Monday, November 27, 2006
المجتمع المصرى الجديد
كنت جالسا مع اصدقائى الذين احسهم دائما على المشاركة الايجابية فى الحياة السياسية والاجتماعية باعتبار ان ابناء جيلى هم المسئولون الان على رفع الراية وقيادة الامة من وجهة نظرى الشخصية وتطرق بنا الحديث عن المجتمع المصرى والذى تبدل حاله منذ خمسة عشر سنة تحولت القيم والمفاهيم والمبادىء الى موضة قديمة ورجعية وتخلف وحل محلها نظريات ومبادىء اخرى جديده ان الرجعية والتخلف يا سادة هى اول اتهام سنتهم به ولكن الحقيقة اننا لسنا رجعيين للتمسك بمبادئنا والدليل ان الاوروبيين المتحضون الذين ننظر اليهم انهم ناس متقدمين مايزالون يحتفظون بمبادئ وقيم قديم منذ عصورهم الوسطى عموما هذا ليس موضوعنا الموضوع الان نسيج الشعب المصرى الذى كان له صفات كثيرة تزيده جمالا تعالوا نعقد مقارنة بسيطة بين الماضى الجميل والحاضر المر
على خلفية الاحداث السياسية والمشاركات الوطنية اصثبح المصريون بعد ان كانوا منذ ثورة 1919 يختارون نوابهم واحزابهم السياسية بكل قوة واصرار تحول الامر الى تجارة الاصوات الانتخابية حيث وصل الصوت الى سعر 1500جنية يعنى لو انت اب لعدد 2 اولاد مهاهم بطاقات انتخابية مشوار للجنة الانتخابية وهتعملك حوالى 3000 او 4000 جنية فى السريع وقتى يا معلم دى الناس اللى كانت بتنتخب سعد باشا والنحاس وقدمت عظماء الساسة فى القرن الماضى لا طبعا دول ناس غيرهم
على المستوى الاقتصادى والله على ايامنا وانا مواليد السبعينات كان المجتمع المصرى فى حاجة اسمها طبقة متوسطة والطبقة دى كانت بتمثل حوالى 40% من المجتمع وكاان فيه حوالى 40 % طبقة فقيرة و20 % طبقة غنية مع الاسف الان اصبح تكوين المجتمع المصرى 30 % طبقة غنية جدا 70 % طبقة فقيرة جا راحت فين الطبقة المتوسطة الله اعلم
الناحية الاجتماعية حدث ولا حرج مشاكل الطلاق والزواج الغير شرعى بقت اكتر من حلقات مسلسلات التليفزيون المبادىء اختفت اصيب البعض بامراض اجتماعية خطيرة كان آخرها السعار الجنسى الذى حدث بوسط العاصمة
عموما الكلام كتير والدردشة اخدتنى انا واصحابى لحد ما ابتدينا نتناقش فى الحلول واتدينا نفكرلا ايه اللى ممكن يتعمل والله انا لاقيت اراء وكلام جميل هنشره المقال اللى جاى
اخيرا اود ان اوجه الشكر والاحترام والتبجيل الى الاخ العزيز ابن بهية والاستاذ الفاضل عنتر مش لاقى سيفه .
ملحوظة اليوم هو اول ايامى مع مدونتى وهذا اول مقال ينشر لى
رئيس تحرير
mego_mego
# posted by mego-mego @ 12:31 AM 
Comments:
<< Home
اولا مبروك على مدونتك ثانيا انا عارف انك محترم واى حاجة هتكتبها هتبقى كويسة ثالثا بقى طلبنا منك كتير مشاركة ايجابية وكنت دايما بتقول المناخ سىء ومينفعش مع العصابه دى اى حد كويس ليه غيرت رايك ؟
مبروك مرة تانية
اختك
الانسه ش
مبروك مرة تانية
اختك
الانسه ش
# posted by 
: 11/29/2006 08:07:00 AM
: 11/29/2006 08:07:00 AM
اولا شكرا على زيارتك
ثانيا صدقينى انا كنت بحب البلد دى لكن مرة واحدة لاقيت نفسى مش عارف اعيش فيها و لما اتجوزت وربنا كرمنى باطفال ما قدرتش اقف ساكت حسيت انى مسئول ولما الاقى ربى اقوله ايه انى خفت من واحد خلقك عموما انتى كنتى مراهنانى انى مش هاقدجر اسكت مبروك كسبتى الرهان وشكرا على زيارتك
وان شاء الله سوف ياتى يوما لنكتب كلنا اسماء حقيقية بدون رموز وبدون خوف
Post a Comment
ثانيا صدقينى انا كنت بحب البلد دى لكن مرة واحدة لاقيت نفسى مش عارف اعيش فيها و لما اتجوزت وربنا كرمنى باطفال ما قدرتش اقف ساكت حسيت انى مسئول ولما الاقى ربى اقوله ايه انى خفت من واحد خلقك عموما انتى كنتى مراهنانى انى مش هاقدجر اسكت مبروك كسبتى الرهان وشكرا على زيارتك
وان شاء الله سوف ياتى يوما لنكتب كلنا اسماء حقيقية بدون رموز وبدون خوف
<< Home
